或者你睇開我寫嘅畫嘅野
會覺得呢條友做乜春姐
成日係度嘈係度鬧
阿修羅之怒咁款
其實每次出帖我都好平靜
而我份人亦都柔情似水 純如白雪
至於每次寫關於方丈嘅英雄屎
與其話係為左爭取 不如話係捍衛更貼切
又稱唔上係革命 之不過係牆上花畫塗鴉
如果你有加入工會
隨手攞封姨貓黎睇都會知道方丈份人小氣之餘仲狼過土匪
呢頭你護住粒饅頭冇比佢搶走 轉個頭佢已經偷緊你舊番薯
係啊~ 你淨係得饅頭同番薯架咋!
仲要愛黎交租供樓水電煤比家用交書簿費添!
一係就偷偷摸摸加加減減d條文
比人發現就話其實改左冇影響架~ 人家手痕之嘛~~
似曾相識哩?
未同我地掌管三界嘅界王神梁超然嘅行事手法一撚樣囉!
就算你係自由身 稍為有少少留意身邊發生嘅事
都會見到所有野都縮水縮得快過套制服
更可怕係身受其害 理應同仇敵愾嘅同事
有d就好似帶左小甜甜大眼仔係阿爾卑斯山花田轉圈咁
"其實份工可以周圍去 d同事又好人 又冇壓力 都幾好丫!"
呢d野同減$削福利縮休息加工作量係兩回事黎架wor
你會唔會比人搶左條褲之後 企係度興幸自己仲有件衫而感動落淚
完全無視自己下半身赤條條咁比寒風玩弄緊?
唔係真係阿Q到離q哂地不食人間煙火下嘛?
仲有見過一d
當方丈遇上方丈 比人用追蹤彈瞄住黎射嘅時候
"你地唔好再話方丈啦... 大家同舟人~ 誓相隨~"
diu你斯德哥爾摩症候群發作咩... 用愛膚堅啦!
即是你剛剛比人打劫 個賊逃走時撞到人 比條友追打
然後你撲出去幫佢擋 仲覺得佢慘慘豬比哂d$佢做醫藥費咁
其反智程度 思路嘅混濁真係堪稱一絕
我夠想有一日唔再需要再有工會
而我亦都淨係需要寫下 "如何在蒙馬特親吻肉桂味的流星" 呢d散打文
因為上頭愛民如子 大家都過住幸福快樂嘅糜爛生活
但係當呢個ff仲係ff嘅時候
大家都係均真d好
既然我做錯做唔足你會B9我嘅
咁當你計錯計唔足我去D7你又有何不可?
建基於金錢嘅關係就係咁粗獷咁赤裸架啦
打左咁大篇野
其實都只不過想話比大家知我冇變形俠醫燥狂症
真架! 岩岩先幫自己把完脈
係有d熱氣姐...
Search